Şagirdlərimiz “MDB üçün 100 İdeya” beynəlxalq layihəsinin finalında İT kateqoriyası üzrə qalib olublar

Akademik Zərifə Əliyeva adına liseyin XI sinif şagirdləri Ömər Eyvazlı və Murad Qasımov “MDB üçün 100 İdeya” beynəlxalq layihəsinin finalında İT kateqoriyası üzrə qalib olublar. Qeyd edək ki, Qazaxıstanın paytaxtı Astanada 20–21 noyabr tarixlərində keçirilən final mərhələsi MDB məkanının ən böyük innovasiya tədbirlərindən biridir. Bu il müsabiqədə 8 ölkədən təxminən 100 gənc mütəxəssis iştirak edib və onların arasından seçilmiş 50 ən güclü layihə finala yüksəlib.